Belarus

2020-ci ilin avqustunda belaruslar saxtalaşdırılmış prezident seçkilərinin nəticələrinə etiraz etmək üçün küçələrə axın etdilər. Etirazlar tezliklə ölkə tarixində baş vermiş ən böyük aksiyaya çevrildi və sonda on minlərlə insan həbs edilməsi, döyülməsi və mühakimə olunması ilə şiddətli şəkildə yatırıldı. Geniş dezinformasiya kampaniyaları Aleksandr Lukaşenko rejiminin vətəndaşlarına, müstəqil mediaya və vətəndaş cəmiyyətinə qarşı yönəldilmiş amansızlığı təşviq və müşayiət etməyə davam edir.

Belarus dövlətinin nəzarəti altında olan media ölkədə müxaliflərə qarşı aparılan amansız repressiyalarda iştirak etmişdir. Siyasi məhbusların məcburi şəkildə, televiziya vasitəsilə yayımlanan “etirafları” dövlətin nəzarəti altında olan medianın Belarusda repressiv dövlət aparatının uzantısına çevrildiyini göstərən çoxsaylı nümunələrdən yalnız biridir. Belarus dövlətinin nəzarətində olan medianın Belarus rəsmilərinə Aİ-yə miqrasiyadan silahlanma məqsədilə istifadə etməkdə necə dəstək olmasına şahidlik etdik. Bundan əlavə, Lukaşenka rejimi və onun media aparatı Rusiyanın Ukraynaya genişmiqyaslı işğalını dəstəkləməkdə mühüm rol oynamışdır.

Daha ətraflı oxu

Bununla yanaşı, Belarus hakimiyyəti çox tanınmış müstəqil Telegram kanalını “ekstremist material” elan etməklə sosial mediaya da təzyiq göstərmişdir.

Eyni zamanda, Kremlyönümlü media əqidəsizcəsinə Qərbi “rəngli inqilab” yaratmaqda günahlandıraraq, demokratik Belarus müxalifətinin “Qərbin kuklası” olduğunu iddia edərək və demokratiya tərəfdarlarını “zmaqarlar”, ekstremistlər, terrorçular, habelə nasist müridləri kimi qələmə verərək, Belarusda və onun ətrafında dezinformasiya kampaniyalarını dəstəkləməyə və onlara yardım etməyə davam edir.

Şərq Stratcom İşçi Qrupu Belarusdakı media və dezinformasiya xüsusiyyətlərini yaxından izləyir. Aşağıda həm Lukaşenkonun, həm də Putinin informasiya manipulyasiya ekosistemləri tərəfindən həyata keçirilən demokratik Belarusu hədəf alan dezinformasiya və informasiya manipulyasiyası ilə bağlı məqalələr toplusu verilmişdir.

4 Articles in this category
— Of all database cases

Browse cases in Database

Latest in Belarus

All 4 articles

Xəbərlər və Təhlil

9 August 2022 14 mins read EUvsDisinfo

Belarus: Müstəqil Media və Aktivistlər Hər Şeyi Necə Riskə Atmağa Davam Edirlər

Lukaşenka rejiminin hədəfi acınacaqlı şəkildə aydın olur: rejimə qarşı müstəqil media, hətta müstəqil düşüncənin izi belə yolverilməzdir. 9 avqust Belarusda 2020-ci ildə saxtalaşdırılmış prezident seçkilərinin ildönümüdür. Aşağıda Belarusda kütləvi informasiya vasitələrinə təsir edən son repressiya fəaliyyətlərinin icmalını təqdim edirik.