Сёння, у эпоху паскарэння навукова-тэхнічнага прагрэсу і павышэння ўзроўню пранікнення Інтэрнэту ў краінах Трапічнай Афрыкі, Расія карыстаецца магчымасцю навадніць афрыканскі інфармацыйны ландшафт ілжывымі наратывамі. Ад аховы здароўя да бяспекі — разнастайныя наратывы прасоўваюцца праз вялізную колькасць рычагоў маніпулявання ў Інтэрнэце. Гэты працэс з’яўляецца часткай больш шырокіх намаганняў Расіі па маніпуляванні знешняй інфармацыяй і ўмяшанні (FIMI) для прасоўвання сваёй знешняй палітыкі.
За апошнія пяць гадоў Расія стварыла ў шэрагу афрыканскіх краін экасістэму дэзінфармацыі, у якой сфабрыкаваная і неправераная інфармацыя часта падмяняе журналістыку факта і незалежную журналістыку. Апроч выкарыстання інфармацыйных маніпуляцый супраць Захаду, гэтая каварная дзейнасць падрывае давер да дэмакратычных інстытутаў і выклікае сур’ёзныя асцярогі адносна бяспекі для мясцовага насельніцтва.
Расія і яе індустрыя па маніпуляванні знешняй інфармацыяй і ўмяшанні (FIMI) сцвярджаюць, што Крэмль валодае ўнікальнымі магчымасцямі для забеспячэння бяспекі і ваеннай дапамогі ў краінах, якія маюць у гэтым патрэбу, але рэальная карціна тут зусім іншая: пастаяннае пагаршэнне ўзроўню бяспекі і стабільнасці. Гэта не толькі падкрэслівае няздольнасць Расіі выконваць свае абавязацельствы, але і выразна дэманструе адсутнасць сапраўднага намеру рабіць гэта.
Гэты раздзел сайта EUvsDisinfo змяшчае кантэнт аб дзейнасці Расіі па маніпуляванні знешняй інфармацыяй і ўмяшанні (FIMI) у Афрыцы, заснаваны на досведзе Еўрапейскай службы знешніх сувязяў (ЕСЗС), незалежных журналістаў, даследчыкаў і прадстаўнікоў грамадзянскай супольнасці. У ім таксама раскрываюцца эпізоды пракрамлёўскай дзейнасці па маніпуляванні знешняй інфармацыяй і ўмяшанні (FIMI) на гэтым кантыненце, пацверджаныя данымі з адкрытых крыніц.
