Грузія падвяргалася расійскаму маніпуляванню інфармацыяй і ўмяшанню, уключаючы пракрамлёўскую дэзынфармацыю, на працягу дзесяцігоддзяў. У адпаведнасці з крамлёўскай стратэгіяй дэзынфармацыі, Грузія з’яўляецца мішэнню падманных і ілжывых наратываў, якія імкнуцца падарваць незалежнасць Грузіі, паставіць пад сумнеў яе тэрытарыяльнае адзінства і пазбавіць яе суверэнітэту. Ад неабгрунтаваных заяў аб спробах Захаду справакаваць «каляровую рэвалюцыю» ў Грузіі да прасоўвання дэзінфармацыйных звестак, якія распальваюць антызаходнія настроі, і пагроз грамадскай ахове здароўя шляхам распаўсюджвання міфаў аб вакцынацыі і адкрытай хлусні аб біялагічных даследчых лабараторыях – расійская дэзінфармацыя не абышла бокам ні адну тэму ў Грузіі. З таго часу, як Расія пачала поўнамаштабнае ўварванне ва Ўкраіну 24 лютага 2022 года, у інфармацыйным асяроддзі Грузіі таксама назіраўся рост распаўсюджвання пракрамлёўскай дэзынфармацыі, асабліва нацэленай на еўрапейскія імкненні Грузіі, з боку як знешніх, так і ўнутраных суб’ектаў.
Аператыўная працоўная група па стратэгічных камунікацыях сочыць за інфармацыйнай прасторай і збірае паказальныя прыклады найбольш актуальных дэзынфармацыйных паведамленнях у сваёй базе даных EUvsDisinfo, даступнай ніжэй.
